كلما يناديــــك قلبي

من هاتفي المحمول

يلقى الجــواب الاّلى

بقول قلبك مــشغول

مشغول مع من قلي؟؟

مع مديــر أو مسئول

وأنا خلاص ترجم بي

 أصبحت غير المأمول

تجـــري وراء اطماعك

وأنا بحبــــك مقتــول

اطوي السنين اتــألم

لاجلك وجسمي منحول

لا تحسب اني غــافــل

 ما اعرفش عرضك والطول

 ولا يغـــرك اني اهــوى

 الكـــلام المعســــول

 والا انخدع من كلمه

هذا كلام مش معقول

الحب ماهوش مزحه

تضحك بها يا مهبــول

الحـب كلمــه ومعنى

يسمو بها نبض القول

 المــره ذي ســامحتك

والعفو عندي موصول

 واحـــذر تعيــد الكـره

خلي غيابك ما يطول

فــــلا تضيـع الصحبــه

هذا الجفاء مش مقبول

فكر ســــوى بالحسبه

واحسبها صح يا بهلول

 ولا تــــكـــن كاللـهـبــه

 تحرق ايــــادي مذهول

كن كالطبيب الجـــراح

 يــداوي قلـــب المعلول

كن كالضياء في الغدره

يمشي عليه المغلول

 ولا تــكــن كـالعـتـمــه

تـقــود نحو المجهــول

****

Advertisements